Луиш Каштру Испанияның Леванте клубының бас бапкері атанды

Испания чемпионатының ең соңғы орнында тұрған "Леванте" клубында бас бапкер ауысты. Клубтың баспасөз қызметінің хабарлауынша, команданың бас жаттықтырушысы қызметіне Луиш Каштру тағайындалды.

Маман бұған дейін Францияның "Нант" клубында жұмыс істеген. "Леванте" Ла Лига турнир кестесінің соңында орналасқан: команда 16 ойыннан тек 10 ұпай ғана жинаған.

Соңғы матчта "Леванте" "Реал Сосьедад" командасымен 1:1 есебімен тең ойнады. "Леванте" келесі тур аясында сырт алаңда "Севильяның" қонағы болады.

Кездесу 2025 жылғы 4 қаңтарда "Рамон Санчес Писхуан" стадионында өтеді.