"Челси" Семеньо үшін күреске қосылды

«Борнмут» шабуылшысы Антуан Семеньо Англия Премьер-лигасындағы бірнеше жетекші клубтардың қызығушылығын тудыруда. Sky Sports дерегіне сәйкес, Семеньо үшін күреске «Челси» де қосылды.

Лондон клубы 25 жастағы футболшыны ықтимал трансферлеу бойынша ақпарат сұраған. Бұған дейін баспасөзде Семеньоның есімі «Ливерпуль», «Манчестер Сити» және «Манчестер Юнайтед» секілді клубтармен байланысты айтылған болатын.

Семеньо шабуылда үш позицияда — екі қапталда және орталық шабуылшы ретінде ойнай алады. Қазіргі уақытта футболшы Премьер-лига мергендер жарысында 8 голмен үшінші орынды бөлісуде.

Transfermarkt сарапшылары Семеньоның құнын 65 миллион еуроға бағалап отыр.