Семено Роналду мен Месси арасынан кімді таңдағаны белгілі болды

«Борнмут» ойыншысы Антуан Семено қазіргі футболдағы ең танымал сұраққа жауап берді. Жақын арада «Манчестер Сити» клубына ауысуы мүмкін 25 жастағы ганалық футболшы Криштиану Роналду мен Лионель Месси арасынан оңай таңдау жасады.

«Месси, сөзсіз. Мен ешқашан Роналдудың жетістіктерін кемсітпеймін — ол ғажайып дәрежеде керемет.

Бұл екі футболшының жеткен нәтижелері — таңғаларлық, бірақ мен Мессидің жанкүйерімін», — деп Семеноны AlbicelesteTalk келтірді.

Қазіргі уақытта 40 жастағы Криштиану Роналду Сауд Арабиясының «Ан-Наср» клубында ойнап жүрсе, 38 жастағы Лионель Месси АҚШ-тың «Интер Майами» командасында өнер көрсетуде.