Интер мен Ливерпуль Кьеза трансферін талқылауда

«Ливерпуль» вингері Федерико Кьезаның қайтадан Италияға оралуы мүмкін екені жайлы хабар таралуда. Итальяндық ойыншыға қызығушылық танытып отырған Миланның «Интер» клубы оны құрамына қосу бойынша жұмысын бастап кеткен.

Inter Xtra хабарлауынша, «нерадзурилердің» өкілдері 28 жастағы футболшы бойынша алғашқы келіссөздерді өткізген. Трансфер қаңтар айында жүзеге асуы мүмкін, алайда әзірге жалға алу ең қолайлы сценарий болып тұр.

Ақпарат көзіне сәйкес, Федерико Кьезаның өзі А сериясына оралуды қалайды. Transfermarkt мәліметіне сәйкес, футболшының құны 12 млн еуроны құрайды, ал «қызылдармен» қазіргі келісімі 2028 жылға дейін жарамды.