"Атлетико" Галлахер үшін 46-52 млн еуро сұрамақ

Жартылай қорғаушы Конор Галлахер қысқы трансфер маусымында Мадридтің «Атлетико» клубынан кете алады. Бұл туралы инсайдер Экрем Конур хабарлады.

Дереккөзге сәйкес испандықтар Галлахерді жалға беруді қаламайды, бірақ оны толықтай трансфер арқылы сатуға дайын. «Матрасшылар» футболшыдан шамамен 46–52 миллион еуро табыс табуды жоспарлап отыр.

Галлахердің ойынына «Манчестер Юнайтед», «Тоттенхэм», «Астон Вилла», «Ньюкасл», «Челси», «Милан» және «Ювентус» қызығушылық танытуда. Биылғы маусымда 25 жастағы Галлахер барлық турнирлерді қоса алғанда 25 ойынға қатысты, 3 гол соғып, 1 нәтижелік пас берді.