"Ювентус" қыста орталық қорғаушы сатып алуды жоспарлап жатыр

"Ювентус" клубы қысқы трансфер кезеңінде жаңа орталық қорғаушымен келісімшарт жасауды көздеп отыр. Туриндіктердің қысқа тізіміне "Милан" ойыншысы Кони де Винтер, "Сассуоло"дан Тарик Мухаремович, "Тоттенхэм"нен Раду Драгушин және "Брайтоннан" Диего Коппола енген.

Бұл туралы журналист Мирко ди Натале хабарлады. Transfermarkt порталы бұл футболшылардың құнын сәйкесінше 20, 14, 22 және 10 миллион еуроға бағалаған.

"Ювентус" А сериясының турнир кестесінде 16-турдан кейін бесінші орында келе жатыр. Команда сенбі күні Лучано Спаллеттидің басшылығымен "Пизаға" қарсы алаңға шығады.