Флик Ла Лигада желтоқсан айының үздік бапкері жүлдесіне үміткер

Испанияның Ла Лигасы желтоқсан қорытындысы бойынша айдың үздік бапкері жүлдесіне үміткер мамандардың есімдерін жариялады. Үміткерлер тізіміне «Барселона» бапкері Ханс-Дитер Флик, «Сельтадан» Клаудио Гиральдес және «Эспаньолдан» Маноло Гонсалес енгізілді. «Барселона» желтоқсанда Ла Лигада төрт матч өткізіп, барлығында жеңіске жетті. «Сельта» ай бойы үш кездесуде 9 ұпайдың 7 ұпайын жинады. «Эспаньол» болса үш ойында да ең жоғары нәтижеге қол жеткізді. Айтылғандай, «Барселона» Испания чемпионатында 46 ұпаймен көш бастап тұр. «Эспаньол» 33 ұпаймен бесінші орында, ал «Сельта» 23 ұпаймен жетінші сатыда келеді. Келесі тур 2026 жылдың басында өтеді.