Доргу «Манчестер Юнайтедтегі» алғашқы голынан кейін пікір білдірді

«Манчестер Юнайтедтің» сол қаптал қорғаушысы Патрик Доргу команда сапындағы алғашқы голынан кейін сұхбат берді. Даниялық футболшы АПЛ-дегі «Ньюкаслға» қарсы ойында 24-минутта гол соқты. 21 жастағы ойыншының бұл добы кездесудегі жалғыз гол болып қалды — 1:0. «Жақсы соққы болды. Бұлай тебе алатынымды білмеппін. Өз стадионымызда алғашқы голымды соққаныма өте қуаныштымын. Аморимнің кеңесіне құлақ астым — ол менен өзіме сенімдірек ойнауды сұраған еді. Ойлаймын, бүгін жақсы ойнадым. Мен тек доптың ұшуын бақылап, соққы жасауға шешім қабылдадым. Жаттығулар көмектесті — дәл осының үстінде жұмыс істегенмін», — деді Доргу Sky Sports-қа берген сұхбатында. «Манчестер Юнайтед» 18 турдан кейін 29 ұпаймен АПЛ кестесінде бесінші орында келеді.