Левандовски «Барселонада» қалу-қалмауын айтты

«Барселона» шабуылшысы Роберт Левандовски өз болашағы туралы пікір білдірді. Футболшының каталондықтармен қолданыстағы келісімшарты алты айдан кейін аяқталады. Келісімді ұзарту жөніндегі келіссөздер әзірге жүргізіліп жатқан жоқ. «Шешім қабылдауға уақытым бар. Қазірше болашақта қайда ойнағым келетінін білмеймін. Қайда барып қалатынымды да білмеймін, бірақ ешқандай қысым жоқ. Көп нәрсе клубтың жоспарлары мен өз қалауымa байланысты болады», — деп келтіреді жұлдызды поляк футболшының сөзін журналист Фабрицио Романо. Роберт Левандовски 2022 жылдың жазынан бері «Барселона» сапында ойнап келеді. Келесі жылдың тамыз айында шабуылшы 38 жасқа толады.