«Барселона» Хамза Абделькаримге ұсынысын жақсартты

«Барселона» «Әл-Ахли» шабуылшысы Хамза Абделькарим бойынша келіссөздерді жалғастырып жатыр. Өткен аптада хабарланғандай, мысырлық клуб Ла Лига алыбының 17 жастағы футболшыға жасаған алғашқы ұсынысын қабылдамаған еді. Mundo Deportivo Мысыр БАҚ-тарына сілтеме жасап жазғандай, енді «Барселона» ұсынысын жақсартты — 1,8 млн еуроның орнына 2 млн еуро. Сыбысқа қарағанда, «Әл-Ахли» шамамен 5 млн еуро сұрап отыр. Хамза Абделькарим Африканың ең көп жүлде алған клубының негізгі құрамында бес ойын өткізген. Ал Мысырдың U17 жасөспірімдер құрамасында болашағынан үміт күттіретін шабуылшы 19 матчта 12 гол соғып, 6 нәтижелі пас берген.