Букайо Сака АПЛ-де «Арсеналдың» ең көп ассист жасаған үздік бестігіне кірді

Лондондық «Арсеналдың» вингері Букайо Сака АПЛ тарихында командасының ең көп голдық пас берген ойыншылары тізімінде 5-орынға көтерілді. Бұл туралы euro-football.ruхабарбереді.

24 жастағы ағылшын футболшысы сенбі күні «Брайтонға» қарсы ойында Мартин Эдегорға нәтижелі пас берді. Кездесу «зеңбірекшілердің» 2:1 есебімен жеңісімен аяқталды. Squawka дерегіне сәйкес, Сака Аарон Рэмзиді басып озып, «Арсенал» сапындағы АПЛ-дегі ассист санын 47-ге жеткізді.

Оның алдында Деннис Бергкамп (94), Тьерри Анри (74), Сеск Фабрегас (70) және Месут Озил (54) тұр.

Букайо Сака 2019 жылдан бері «Арсеналдың» негізгі құрамында ойнап келеді. Ол АПЛ-де жалпы 211 матчқа қатысып, 57 гол да соққан.