Гвардиола ағынан жарылды: "Сити" дағдарыстан қашан шықты?

"Манчестер Сити" бас бапкері Хосеп Гвардиола командасының ойындағы жағымсыз кезеңнің қашан артта қалғанына егжей-тегжейлі тоқталды. 27 декабрьде "қалалықтар" Англия Премьер-лигасының 18-турында сырт алаңда "Ноттингем Форестті" 2:1 есебімен жеңіп, өзінің жақсы формасы кездейсоқтық емес екенін тағы бір дәлелдеді.

Бір қызығы, өткен маусымның 28-турында дәл осы "Форест" өз алаңында Гвардиола командасын 1:0 есебімен жеңген және сол ойын "Сити" үшін қиын кезеңнің бір бөлігі ретінде есте қалған еді. Бұл жолы жағдай мүлдем басқаша болды - команда алаңда сеніммен, шыдамдылықпен және жеңіске деген құштарлықпен әрекет етті.

Гвардиоланың айтуынша, бұрылыс нүктесі АҚШ-та өткен клубтар арасындағы әлем чемпионатынан кейін байқалған.

"Бұл өте маңызды кезең болды. АҚШ-тағы клубтар әлем чемпионатынан кейін бәрі өзгерді. Біз сол кезде барлық аспектілерді терең талдадық, көп сөйлестік және маңызды шешімдер қабылдадық. Қазір бұл процесс дәйекті түрде жалғасуда," - деді испандық маман.

Гвардиола командадағы өзгерістер тек нәтижелерде ғана емес, футболшылардың психологиясында да айқын байқалатынын атап өтті. Оның айтуынша, алаңда дене тілі, голдардан кейінгі сезімдер, жанкүйерлермен байланыс - мұның бәрі команданың қайта жанданғанын көрсетеді.

"Жанкүйерлер біздің шынымен күресіп жатқанымызды көріп отыр. Бұл ең басты аспект," - деді Гвардиола.

"Ноттингем Форестке" қарсы кезекті жеңістен кейін "Манчестер Ситидің" Премьер-лигадағы жеңістер сериясы алты ойынға жетті. Бұл жағдай команданың дағдарысты артқа тастап, чемпиондық жарыста қайтадан елеулі күшке айналғанын айқын көрсетеді.