ПСЖ қысқы трансфер нарығында ірі сатып алу жасамауы мүмкін

Францияның «Пари Сен-Жермен» клубының қысқы трансфер терезесіне қатысты жоспарлары жөнінде жаңа мәліметтер пайда болды. Бұл туралы euro-football.ruхабарбереді.

Журналист Бенжамен Куаренің айтуынша, ПСЖ қазіргі құрамына көңілі толады, сондықтан қаңтарда жаңа футболшы сатып алу ықтималдығы төмен. Соған қарамастан, париждіктер «Бенфиканың» 17 жастағы екі талантын — шабуылшы Анисиу Кабрал мен жартылай қорғаушы Рафаэл Кинташты — бақылап жүр. Бұл ойыншылар жазда ПСЖ сапын толықтыруы мүмкін, алайда оларға «Манчестер Юнайтед» пен «Манчестер Сити» де қызығушылық танытып отыр.

Лига 1-дің 16-туры аяқталғаннан кейін ПСЖ 36 ұпаймен турнир кестесінде екінші орында келеді. Команда көшбасшы «Ланстан» небәрі бір ұпайға қалып отыр.