«Арсенал» АПЛ-де қатарынан 17 ойында гол соғып жүр

Англия чемпионатының 20-туры аясында Лондонның «Арсенал» командасы «Борнмутқа» қарсы ойында жігерлі жеңісті рәсімдеді. Есепте артта қалған сәтте «зеңбірекшілер» қарсылас қақпасына үш рет дәл соққы жасады. Бұл туралы euro-football.ru хабарлайдыхабарлайды.

Бұл нәтиже «Арсеналдың» АПЛ-дегі сериясын одан әрі ұзартты: команда қатарынан 17 матч бойы кем дегенде бір гол соғып келеді. Артета шәкірттері соңғы рет гол соға алмаған ойын жаздың соңғы күніне сәйкес келген — 2025 жылғы 31 тамызда «Ливерпуль» оларды ең аз есеппен жеңген еді.

Қызығы, «Арсенал» АПЛ-дегі келесі кездесуін де дәл «Ливерпульге» қарсы өткізеді.

Мәлімет үшін, «зеңбірекшілер» Англия чемпиондығын соңғы рет 2004 жылы жеңіп алған.