«Реал» Испания Суперкубогында 9 млн еуроға дейін табыс табуы мүмкін

Испания Суперкубогына қатысу Мадридтің «Реал» клубына едәуір табыс әкеледі деп күтілуде. Бұл туралы euro-football.ru хабарлайды .

Diario AS мәліметінше, «корольдік клуб» турнир матчтары өтетін Сауд Арабиясына келгені үшін ғана шамамен 6,15 млн еуро кепілдендірілген қаражат алады. Егер «Реал» финалға шықса, тағы 1 млн еуро бонус қосылады. Ал шешуші ойындағы жеңіс мадридтіктердің табысын қосымша 2 млн еуроға арттырады. Осылайша, бар болғаны екі матч үшін жалпы түсім 9 млн еуродан да асып кетуі мүмкін.

8 қаңтарда Хаби Алонсоның командасы жартылай финалда «Атлетикоға» қарсы ойнайды. Дерби жеңімпазы кубок үшін финалда «Барселонамен» немесе «Атлетикпен» (Бильбао) кездеседі.