Андрий Шевченко Монакода қайырымдылық матчында ойнайды

Украина футболының аңызы, қазір УАФ басшысы қызметін атқарып жүрген Андрий Шевченко Монте-Карлода өтетін Халықаралық цирк фестивалі аясындағы қайырымдылық матчына қатысады. Бұл туралы euro-football.ru хабарлайды .

«Алтын доп» иегері «Монако циркі» командасы сапында ойнап, ұжымды алаңға капитан ретінде бастап шығады.

Жолдастық матч 24 қаңтар күні «Монаконың» үй стадионы — «Луи II» аренасында өтеді.

Шевченко футболшы ретіндегі мансабында Киевтің «Динамосы», «Милан», Лондонның «Челси» клубтарында және Украина ұлттық құрамасында ойнаған.