Гари О’Нил Розеньордан кейін «Страсбургті» басқарды

Франция чемпионатында тағы бір жаңа тағайындау: британиялық маман Гари О’Нил «Страсбургтің» бас бапкері қызметіне кірісті. Клубтың баспасөз қызметі 42 жастағы бапкердің келгенін ресми түрде жариялады. Бұл туралы euro-football.ru хабарлайды .

О’Нил Англия Премьер-лигасындағы қызметімен танымал — ол бұған дейін «Борнмут» пен «Вулверхэмптонда» жұмыс істеген.

Жаңа бас бапкер командамен алғашқы жаттығуын 8 қаңтар, бейсенбі күні өткізеді. Оның «Страсбургтегі» алғашқы ресми ойыны 10 қаңтар, сенбі күні Франция кубогы аясында өтеді.

Қазір «Страсбург» Лига 1 кестесінде 24 ұпаймен 7-орында келеді.