АПЛ-дің үш клубы «Реалдың» қақпашысы Лунинді бақылап жүр

Мадридтің «Реал» клубының қақпашысы Андрей Лунин Англия Премьер-лигасының бірнеше командасының назарында. Бұл туралы euro-football.ru хабар береді.

TEAMtalk мәліметінше, украиналық қақпашыны «Тоттенхэм», «Брайтон» және «Ньюкасл» құрамына қосуды қарастыруда. Алайда бұл трансфер оңай болмайды: Луниннің «Реалмен» қолданыстағы келісімшарты 2030 жылға дейін. «Корольдік клубтың» ойыншы үшін қанша қаржы сұрайтыны әзірге белгісіз.

Лунин 2018 жылдан бері «Реал» сапында ойнап келеді. Биылғы маусымда ол небәрі екі матчқа қатысып, сол ойындарда 5 гол жіберіп алды.

Transfermarkt деректеріне сәйкес, Андрей Луниннің нарықтық құны 15 миллион еуроны құрайды.