Марко Верратти мансабын Аргентинада жалғастыруы мүмкін

«Әл-Духайл» жартылай қорғаушысы Марко Верратти келесі маусымнан бастап Аргентинада доп тебуі мүмкін. Бұл туралы euro-football.ru хабарлайды .

Globo мәліметінше, италиялық футболшыға «Бока Хуниорс» қызығушылық танытып отыр. Буэнос-Айрес клубы Либертадорес кубогындағы күресті күшейту үшін орталық шепті нығайтуды мақсат етеді. «Бока Хуниорс» басшылығы ойыншының өкілдерімен тұрақты байланыста болып, футболшының шарттары мен талаптарын нақтылап жатыр.

Верратти 2025 жылдың жазында еркін агент ретінде «Әл-Араби»ден «Әл-Духайл»ға ауысқан еді. Ағымдағы маусымда ол 14 матчқа қатысып, 4 гол соқты. Transfermarkt порталы Марконың нарықтық құнын 7 миллион еуроға бағалап отыр.