Милан А сериясындағы жеңілмейтін сериясын 17 ойынға жеткізді

А сериясының кезекті турында «Милан» өз алаңында «Дженоаға» қарсы ойында екінші жеңіліске өте жақын болды. Бұл туралы euro-football.ru хабарлайды .

Массимилиано Аллегридің командасы кездесуді 1:1 есебімен аяқтап, жеңілістен құтылды. Ойын соңында жағдай мүлде басқаша аяқталуы мүмкін еді: 99-минутта қонақтар пенальти тебу құқығын алды, алайда «Дженоа» ойыншысы мүмкіндікті мүлт жіберіп, допты қақпа үстінен асырып жіберді.

Дәл осы эпизод «россонериді» жеңілістен сақтап қалды. Әзірге «Миланның» чемпионаттағы жалғыз сәтсіз нәтижесі тамыз айына сәйкес келеді — 1-турда «Кремонезеге» ұтылған.

«Милан» 39 ұпаймен Италия чемпионатында екінші орында келеді. Турнир кестесінде «Интер» 42 ұпаймен көш бастап тұр.