Асллани мансабын Францияда жалғастыруы мүмкін

Өткен жазда «Интердің» орталық жартылай қорғаушысы Кристьян Асллани «Ториноға» ауысқанын хабарлаған едік. Алайда уақыт өтсе де, футболшы жаңа командасында күтілген деңгейде өзін көрсете алмады: ол «Торино» құрамында жетекші рөлге ие бола алмады және көп жағдайда көзге түспей жүр. Бұл туралы euro-football.ru хабарлайды .

Сондықтан Асллани жақын арада Туриннен де кетуі мүмкін. Sport Mediaset мәліметінше, оған Франция чемпионатынан — нақтырақ айтқанда «Париж» клубы қызығушылық танытып отыр. Әзірге ықтимал трансфердің қаржылық егжей-тегжейі жарияланған жоқ, алдағы күндері қосымша ақпарат пайда болуы мүмкін. «Париж» қазір Лига 1 кестесінде 15-орында келеді.