«Штутгарт» «Байер» алаңында бір таймда төрт гол соқты

Германия Бундеслигасының 16-турында өткен «Байер» – «Штутгарт» ойыны күтпеген жерден біржақты сценариймен өтті. Бұл туралы euro-football.ru хабарлайды. хабарлайды .

7-минутта Дениз Ундавтың пасынан кейін Джейми Левелинг есеп ашты. 29-минутта Максимилиан Миттельштедт қақпашыны алдап, пенальтиді дәл орындап, айырманы екіге жеткізді. Бірінші таймға қосылған минуттарда Левелинг алыстан дәл соққымен дубль жасады, көп ұзамай Ундав кезекті шабуылды голмен аяқтап, үзіліске дейін есепті 0:4-ке жеткізді.

66-минутта Алехандро Гримальдо пенальтиден гол соғып, «Байердің» айырманы қысқартуына мүмкіндік берді — 1:4.

Осы нәтижеден кейін екі командада да 29 ұпайдан бар. «РБ Лейпцигпен» бірге турнир кестесінде үшінші орынды бөлісіп тұр.