Матерацци футбол тарихындағы ең үздік үш қақпашыны атады

Италияның бұрынғы футболшысы Марко Матерацци футбол тарихындағы ең мықты қақпашылар жөніндегі өз рейтингін жариялады. Әлем чемпионы атанған қорғаушы топ-3 тізіміне Лев Яшинді де енгізді. Бұл туралы euro-football.ru хабарлайды .

Матераццидің пікірінше, үздік үштік мынадай: Джанлуиджи Буффон, Лев Яшин және Жулио Сезар. Ол сондай-ақ осы қақпашылардың екеуімен бір командада ойнағанын атап өтті.

Лев Яшин қақпашылар арасында «Алтын доптың» жалғыз иегері болып қала береді: кеңестік аңыз бұл марапатты 1963 жылы жеңіп алған. Яшин 1990 жылы қайтыс болды.

Еске сала кетейік, Матерацци 2006 жылы Италия құрамасы сапында әлем чемпионы атанған.