Бавария ПСЖ сапындағы жас талант Пер Мунгенгени өз қатарына қосуды жоспарлап отыр. L'Equipe басылымының хабарлауынша, Мюнхен клубы француз командасының U19 құрамында өнер көрсетіп жүрген 18 жасар орталық шабуылшыға қатты қызығушылық танытуда. Ойыншы 2021 жылы ПСЖ академиясына келіп қосылған және биылғы жылдың мамыр айында Лига 1 аясындағы ойында дебют жасаған еді. Бұл туралы Goal.com хабарлайды.
Алайда, Баварияның бұл трансферді жүзеге асыру мүмкіндіктері әзірге белгісіз. Париждегі тағы бір клуб Paris FC те жас талантқа таласуда. Қазіргі таңда Мунгенге ПСЖ-мен кәсіби келісімшартқа қол қоюға жақын тұр және тараптар арасында келіссөздер жалғасуда.
Тағы бір хабарға сәйкес, Бавария қақпашысы Александр Нюбельдің болашағы әлі де бұлыңғыр күйінде қалуда. Штутгарттағы жалға алу мерзімі аяқталып жатқан қақпашының Мюнхен клубының жоспарына кірмейтіні белгілі болды. Клуб басшылығы оны 10–15 миллион еуроға жіберуге дайын.
Мануэль Нойер мен Свен Ульрайхпен келісімшарттар ұзартылғаннан кейін, Бавария жаңа маусымды тәжірибелі қақпашылармен бастауды мақсат еткен. 2020 жылы Schalke 04 клубынан келген Нюбель Мюнхен командасы сапында небәрі төрт ресми ойында ғана алаңға шыққан.
“Zamin”-ді Telegram-нан оқыңыз!
