Intel компаниясы ноутбуктар үшін жаңа ұрпақ архитектурасы — Panther Lake-ті ұсынды. Жаңа серия компанияның соңғы жылдардағы бірқатар сәтсіздіктерінен кейінгі негізгі “құтқарушы” жоба ретінде сипатталуда, деп жазуда Rozetked.me сайты.
Panther Lake процессорлары алғаш рет Intel 18A техпроцесі негізінде жасалған, компания оларды үш түрлі нұсқада ұсынады — әрқайсысы түрлі деңгейдегі энергия үнемділігі мен есептеу қуатына бағытталған.
Ең қуатты моделі 16 процессор ядросына, 12 Xe3 графикалық ядросына және 12 сәуле бақылау блогына ие. Intel атап өткендей, жаңа архитектурада энергия шығыны орта есеппен 10% азайған, бұл Lunar Lake ұрпағынан айтарлықтай үнемді.
Сонымен қатар, 18A техпроцесінің арқасында чиптер 40% кем энергия жұмсайды немесе дәл сондай деңгейдегі тұтынумен 50% көбірек қуат бере алады. Жаңа Intel Xe3 графикасы 50%-ға дейін жоғары өнімділікке ие болады.
Компания, сондай-ақ, шейдерлерді бұлтта алдын ала компиляциялау жүйесін енгізгенін хабарлады — бұл ойын алдында жүктеу уақытын қысқартады.
Panther Lake процессорлары қазіргі уақытта өндірісте, 2026 жылдың бірінші жартысында сатылымға шығуы күтілуде.
“Zamin”-ді Telegram-нан оқыңыз!
