"Huawei" компаниясының "Enjoy 90 Pro Max" смартфоны 2026 жылдың 16-аптасы қорытындысы бойынша Қытай нарығында сатылым көлемі жағынан "iPhone 17 Pro" моделінен озып кетті. "RDObservation" талдау агенттігінің мәліметіне сәйкес, қазіргі уақытта Қытай смартфон нарығында "Huawei" мен "Apple" құрылғылары абсолютті басымдыққа ие.
Бұл туралы Ixbt.com хабарлайды.
Рейтингтің жоғарғы сатысында өзгерістер байқалғанымен, "Huawei" компаниясы 23,2 пайыз үлеспен елдегі жалпы көшбасшылықты сақтап отыр. Екінші орынды әрқайсысы 15,8 пайыз үлеске ие "Apple" мен "Oppo" брендтері бөлісіп тұр.
Күшті бестікке "Vivo" (15 пайыз), "Xiaomi" (14,2 пайыз) және "Honor" (10,5 пайыз) компаниялары енген.
Биыл 23 наурызда таныстырылған "Enjoy 90" сериясы үш модельден тұрады. Бұл смартфондар "Kirin 8000" процессорымен және "HarmonyOS 6" операциялық жүйесімен жабдықталған.
Мәліметтерге қарағанда, жаңа топтама сатылымға шыққан алғашқы күні-ақ 250 000 дана құрылғы өз сатып алушысын тапқан.
“Zamin”-ді Telegram-нан оқыңыз!
