"Forbes" басылымы әлемнің ең бай адамдарының рейтингін жаңартты. Тізімде Илон Маск 839 млрд доллар байлықпен айқын басымдықпен көш бастап тұр.
Бұл туралы Ixbt.com хабарлайды.
Одан кейінгі орындарды Ларри Пейдж (257 млрд), Сергей Брин (237 млрд), Джефф Безос (224 млрд) және Марк Цукерберг (222 млрд) иеленді. Әлемнің ең бай бес адамының жалпы қаражаты 1,8 трлн долларға жақындап келеді.
Зерттеу нәтижелеріне қарағанда, Маск ғаламшардағы ең бай адам болғанына қарамастан, қайырымдылық мәселесінде ең баяу қимылдайтын миллиардерлер қатарына кіреді. Ол өзінің қайырымдылық қорларына 8,5 млрд доллар көлеміндегі "Tesla" акцияларын өткізгенімен, бұл қаражаттың дерлік барлығы әлі де қозғалыссыз жатыр.
Есептеулерге қарағанда, Маск өзінің орасан байлығынан бар болғаны 500 млн долларын немесе жалпы қаражатының 0,06 пайызын мұқтаждарға таратқан. Бұл көрсеткіш оны әлемдегі ең аз қайырымдылық жасайтын миллиардерлердің біріне айналдырып отыр.
“Zamin”-ді Telegram-нан оқыңыз!
