«Starlink» компаниясы тарихта алғаш рет коммерциялық ұшаққа 2 Гбит/с-тан жоғары жылдамдықты қамтамасыз ететін интернет жүйесін орната бастады. Бұл туралы «Starlink Aviation» басшысы Ник Зейтс мәлімдеді.
Бұл туралы Ixbt.com хабарлайды.
Аталған технология бірінші болып «Emirates» авиакомпаниясының ұшақтарына енгізілуде.
Жаңа жүйе «Emirates A380» флагмандық ұшағына орнатылды. Бұған дейін бұл әуе кемелеріндегі интернеттің өткізу қабілеті 1 Мбит/с-тан төмен болса, енді әр ұшаққа үш «Starlink» антеннасы орнатылуы нәтижесінде Wi-Fi сапасы мың есе жақсарады.
Компания өкілдерінің айтуынша, жолаушылар тіпті 12 шақырым биіктікте де үйдегіден жақсырақ интернетті пайдалана алады.
2026 жыл бойы «Starlink» жүйесін көптеген «A380» ұшақтарына жеделдетілген тәртіппен орнату жоспарланған. Бұл жолаушыларға ұшу кезінде видео стриминг, онлайн ойындар және веб-парақшаларды қарау мүмкіндігін береді.
Қызмет барлық санаттағы жолаушылар үшін тегін болады. Болашақта тікелей эфирдегі телехабарларды жеке құрылғылар мен орындық артындағы экрандар арқылы тамашалау мүмкіндігі де қосылады.
“Zamin”-ді Telegram-нан оқыңыз!
