"Honor" компаниясы Қытайда алдын ала тапсырыс беруге болатын "Watch 6 Plus" ақылды сағаттарының барлық нұсқаларын таныстырды. Жаңа құрылғы желідегі ең жоғары деңгейлі модель ретінде ұсынылып отыр.
Бұл туралы Ixbt.com хабарлайды.
"Watch 6 Plus" моделі 35 күнге дейін автономды жұмыс істеу мүмкіндігін ұсынады. Оның басты ерекшелігі – 1000 мА/сағ сыйымдылығы бар "Qinghai Lake" аккумуляторы, компания оны өз сегментіндегі ең үлкен батарея деп атауда.
Алдын ала тапсырыс беру парақшасында сағаттың кемінде бес түсті нұсқасы көрсетілген. Олардың қатарында көк, сұр, қоңыр және қара түстің екі түрлі реңкі бар.
Денсаулықты бақылау функциялары "Honor Watch 5 Ultra" және "Pro" модельдерінен алынған. Құрылғы жүрек соғысының кенеттен тоқтау қаупін анықтау және қан қысымын 24 сағат бойы ноинвазивті өлшеу мүмкіндігіне ие.
Сондай-ақ, арнайы алгоритмдердің көмегімен кәсіби спорт режимі және дене белсенділігі туралы деректерді мониторингтеу мүмкіндіктері айтарлықтай жақсартылған.
“Zamin”-ді Telegram-нан оқыңыз!
