Ruppur АЭС-інің бірінші энергоблогы ресейлік автоматтандырылған басқару жүйесімен жабдықталды
Rosatom компаниясы салып жатқан Бангладештегі Ruppur атом электр станциясының бірінші энергоблогы ресейлік автоматтандырылған басқару жүйелерімен қамтамасыз етілді. Rosatom құрамындағы RASU (Автоматтандырылған басқару жүйелері) кәсіпорны станцияға технологиялық процестер мен радиациялық бақылауды жүзеге асыратын 22 қосалқы жүйені орнатты. Бұл туралы Ixbt.com хабарлайды .
Бұл жүйелер энергоблоктағы жабдықтардың жұмысын, электр энергиясын желіге беруді және технологиялық процестердің тұрақтылығын бақылайды. RASU басқарушы директоры Глеб Мурашов барлық жүйелердің бапталып, пайдалануға дайын болғанын атап өтті. Жоба аясында радиациялық бақылау жүйелері алғаш рет ықшам стенд түрінде әзірленді.
Өткен аптада Ruppur АЭС-інде маңызды кезең — бірінші энергоблок реакторына ядролық отын тиеліп, физикалық іске қосу процесі жүзеге асырылды. Дакка қаласынан 160 км қашықтықта орналасқан станция жалпы қуаты 2400 МВт болатын екі VVER-1200 реакторынан тұрады.
2015 жылы қол қойылған келісім негізінде салынып жатқан бұл нысан Бангладеш тарихындағы алғашқы атом электр станциясы болмақ. Қазіргі таңда ресейлік технологиялар негізінде Мысыр, Венгрия, Түркия және Қытайда да АЭС құрылысы жалғасуда, ал Қазақстанда жоба бойынша зерттеулер жүргізілуде.
“Zamin”-ді Telegram-нан оқыңыз!
