iQOO Z11 смартфоны әлемдік нарықта таныстырылды: бағасы мен техникалық сипаттамалары

iQOO Z11 смартфоны Қытайдан тыс нарықтарда сатылымға шықты. Құрылғының 8/256 ГБ жады бар нұсқасы 410 доллар, ал 12/256 ГБ нұсқасы 560 доллар болып белгіленді. Бұл туралы Ixbt.com хабарлайды .

Смартфон Qualcomm Snapdragon 7s Gen 4 платформасында жұмыс істейді. Оның ең басты ерекшелігі – 90 Вт жылдам зарядтау технологиясын қолдайтын 9020 мА/сағ сыйымдылықтағы аккумулятор.

Құрылғы 2800 x 1260 пиксель рұқсаты мен 144 Гц жаңарту жиілігін ұсынатын 6,83 дюймдік AMOLED дисплеймен жабдықталған. Негізгі камера 50 Мп және 2 Мп сенсорлардан тұрады, ал алдыңғы камера 32 Мп рұқсатында түсіреді.

Құрылғының өлшемдері 163,73 x 76,18 x 8,25 мм, салмағы 213 граммды құрайды. Айта кетерлігі, бұл модельде су мен шаңнан қорғайтын IP стандарты жоқ.