Соңғы күндері әлеуметтік желілерде метан отынын құю бекеттерінің жұмысына шектеулер енгізіліп жатқаны немесе олардың тоқтатылуы мүмкін екені туралы хабарлар тарады, деп жазады uz24 басылымы.
Аталған жағдай бойынша “Худудгазтаъминот” компаниясы ресми мәлімдеме жасады.
“Худудгазтаъминот” не дейді
Компанияның баспасөз қызметі бұл алып-қашпа сөздерді теріске шығарды. Олардың айтуынша, ешқандай жалпы шектеу жоқ — тек кейбір газ тарату станцияларында алдын ала жоспарланған техникалық профилактика жұмыстары жүргізілуде.
“Жөндеу кезінде газ қысымы уақытша төмендеді, осы себепті отын құю бекеттерінде қысқа мерзімді іркілістер болуы мүмкін еді”,
— делінген мәлімдемеде.
Қазіргі жағдай
Барлық метан құю бекеттері әдеттегі тәртіпте жұмыс істеп тұр, газ жасалған келісімшарттарға сәйкес жеткізілуде.
“Zamin”-ді Telegram-нан оқыңыз!
