Қамчиқ асуында заманауи туризм аумағы салынады

Наманган облысының Қамчиқ асуы аумағында заманауи арқан жолы мен демалыс кешені салынады, деп Курсив медиа хабарлайды.

Хабарлануынша, бұл жоба 90 гектар аумақты қамтиды. Құрылыс жұмыстарын Doppelmayr/Garaventa Group компаниясы жүзеге асырады.

13 қазан күні Наманган облысының әкімі Шавкатжон Абдураззақов осы компания өкілдері — Йоханнес Трийебник, Валерий Яшин және Евгений Купринмен кездесті. Тараптар жоба аясында салынатын нысандар мен ынтымақтастық бағыттарын талқылады.

Жобаны намангандық кәсіпкер Жәбірхан Камалитдинов басқаратын Aisha Group компаниясы қаржыландыруда.

Мәлімет үшін, Doppelmayr/Garaventa Group — Австрия мен Швейцарияда орналасқан, арқан жолдары, гондолалар, лифтілер және тасымалдау жүйелерін шығаратын ірі компаниялар тобы болып табылады. Ол 96 елде 15 мыңнан астам жоба іске асырған.

Nodirbek Razzokov

«ZAMIN.UZ» редакторы