Узбекистанда “жасыл бастамаларға” жыл сайын 10 млрд сўм бөлінеді

Жастар істері агенттігі жанынан Жасыл бастамаларды қолдау қоры құрылды, деп Podrobno.uz хабарлады. Оның қызметі үшін жыл сайын 10 миллиард сoмға дейін қаражат бөлінеді.

Қор қаражаты табиғатты қорғау, қалдықтарды қайта өңдеу, жаңартылатын энергия көздерін дамыту, экологиялық таза технологияларды енгізу, аумақтарды көгалдандыру, ормандарды қалпына келтіру және экотуризмді дамытуға бағытталады.

Агенттік мәліметіне сәйкес, жастар өз идеяларын жүзеге асыру — климаттың өзгеруіне қарсы күрес, эковидеороликтер, медиаплатформалар, энергия тұтынуын азайтуға арналған мобильді қосымшалар жасауда қаржылық қолдау алу мүмкіндігіне ие болады.

Сонымен қатар, жастарды экологиялық мәселелерді шешуге тарту және қоршаған ортаға ұқыпты қарау мәдениетін қалыптастыру мақсатында энергия үнемдеу бойынша байқаулар мен акциялар өткізу жоспарлануда.