Өзбекстанда осы жылы картопқа деген ішкі сұранысты толық қамтамасыз ету мақсатында 180 мың гектар жер бөлу жоспарланған еді. Осы күнге дейін бұл алқаптардың 118 мың гектарына тұқым себу жұмыстары аяқталды. Алайда кейбір аймақтарда бұл саладағы көрсеткіштер күтілгеннен әлдеқайда төмен болып отыр.
Атап айтқанда, Қашқадария облысында жоспарланған алқаптардың небәрі 41 пайызына, Сұрхандария облысында 44 пайызына картоп егілген. Егу жұмыстарының кешеуілдеуі нарықтағы баға-саудаға да теріс әсерін тигізді. Наурыз айының өзінде картоп бағасы Сұрхандарияда 12,4 пайызға, Қашқадарияда 9 пайызға көтерілгені атап өтілді.
Картоп өсіруге маманданған Хожаабат, Андижан, Косонсой, Чортоқ, Чуст, Жаңақорған, Тошлоқ және Ферғана аудандарында да жұмыстар қанағаттанарлықсыз деп танылды. Жалқаулыққа жол берген облыс әкімдерінің ауыл шаруашылығы жөніндегі орынбасарлары мен аудан әкімдерінің жауапкершілігін арттыру бойынша тапсырмалар берілді.
Президент Шавкат Мирзиёев азық-түлік қауіпсіздігі мәселесіне тоқтала келіп, барлық ресурстардың бар екенін атап өтті. «Қайталап айтамын: қаражат бар, ресурс бар. Ет пен картоптан ешқандай мәселе болмауы керек», — деп атап өтті мемлекет басшысы.
“Zamin”-ді Telegram-нан оқыңыз!
