Навои облысындағы Қызылкөк кенішінде уран өндірудің өнеркәсіптік кезеңі басталды. Жоба операторы болып табылатын «Навоиуран» компаниясы жерасты шаймалау әдісі арқылы коммерциялық пайдалану жолға қойылғанын мәлімдеді. Аталған кеніштің қорлары 9 400 тоннаға бағалануда, ал жалпы ресурстары 10 900 тоннаны құрайды. Бұл туралы Inbusiness.kz хабарлайды.
Компанияның бас директоры Жамол Файзуллаевтың айтуынша, кенішті тәжірибелік-өнеркәсіптік негізде пайдалану 2024 жылғы желтоқсан айында басталған болатын. Екі жылдық белсенді қызметтен кейін жоба коммерциялық кезеңге шықты. Бұл қадам Өзбекстанның 2030 жылға дейін уран өндіру мен қайта өңдеу көлемін арттыру жөніндегі мемлекеттік бағдарламасы аясында жүзеге асырылуда.
Қызылкөк кенішін 15 жыл бойы пайдалану жоспарланған, оның жылдық қуаттылығы 1,2 мың тоннаға дейін жетеді. Қызылқұм шөлінің шығыс бөлігінде орналасқан бұл нысан Амантов, Қызылкөк және Оңтүстік лицензиялық блоктарын қамтиды. Өндірісте реагенттерді аз жұмсайтын оттегі әдісі қолданылуда, бұл өнімнің өзіндік құнын 2-3 есеге төмендетуге мүмкіндік береді.
Мәлімет үшін, 2024 жылы Өзбекстан шамамен 4 000 тонна уран өндіріп, әлемде бесінші орынды иеленді. «Навоиуран» қазіргі уақытта 43 кенішті басқарады және әлемдік нарықтағы алтыншы ірі өндіруші болып табылады. Компанияның жалпы ресурс базасы 151 100 тоннаны құрайды.
[media=https://insports.kz/embed/inbusiness?channel=atamekenbusiness&limit=10&lang=ru] “Zamin”-ді Telegram-нан оқыңыз!
