Ташкентте жаңа әуежай салынса, ескісі жабылуы мүмкін

Көлік вице-министрі Жасурбек Чориев Ташкентте жаңа халықаралық әуежай салынған жағдайда қазіргі Ислам Каримов атындағы халықаралық әуежайы жабылуы мүмкін екенін хабарлады, деп uz24.uz жеткізді.

Жаңа әуежайдың құрылысы ағымдағы жылдың шілдесінде басталуы күтілуде деп хабарланды. Жоба іске асырылса, астананың авиация инфрақұрылымы түбегейлі жаңартылуы мүмкін. Жаңа әуежай іске қосылғаннан кейін ескі әуежай аумағында не салынатыны әзірге белгісіз. Бұл мәселе бойынша ресми шешімдер кейінірек жариялануы мүмкін.