Истеъдодли актёрлар, қизиқарли сюжет, юқори сифатли суратга олиш — буларнинг барчаси замонавий ҳинд киноси ҳақида. Қуйида танқидчилар эътирофига сазовор бўлган фильмлар ҳақида маълумот берамиз.
“Ракетачи”, 2022 йил
Намби Нараянан ҳиндистонлик олим ва аэрокосмик муҳандис. Американинг нуфузли университетини тугатгандан сўнг, унга АҚШда қолиш таклиф қилинади, аммо у ҳақиқий ватанпарвар каби Ҳиндистонга қайтишга қарор қилади. Ўз ватанида у Ҳиндистон космик тадқиқотлар ташкилотида ишлайди. Ҳамма нарса ажойиб кетаётган эди: муваффақиятли карьера қуради, бироқ тўсатдан у махфий маълумотларнинг сизиб чиқиши билан боғлиқ воқеага аралашиб қолади. Намби жосуслик ва давлатга хиёнатда айбланади. Шундан сўнг у айбсизлигини исботлаш учун бор кучини сарфлайди.
Фильм премьераси 2022 йилда Канн кинофестивалида бўлиб ўтган. Фильм бир нечта мукофотларга лойиқ кўрилади, жумладан, 95-Оскар мукофотининг энг яхши фильм номинациясига номзод бўлган.
“Баҳубали: Муқаддима”, 2015 йил
“Бааҳубали” тарихий саргузашт фильми ҳиндистонлик икки ака-уканинг қироллик тахти учун курашига бағишланган. Бир томондан, меҳрибон ва камтар шаҳзода Бааҳубали, жасур жангчи ва бутун қиролликнинг ғурури. Иккинчи томонда унинг ҳасадгўй укаси Бҳалалдева, у отасининг кўмаги билан Баахубалига қарши фитна уюштирмоқда. Сюжетга кескинлик берадиган жиҳат — бош қаҳрамоннинг у билан бирга барча синовлардан ўтадиган гўзал маликага бўлган муҳаббатидир.
“Баҳубали: Муқаддима” фильмининг касса даромади 95 миллион доллардан ошган. 2017 йилда “Баахубали: Афсонанинг туғилиши” иккинчи қисми чиққан, у 218 миллион доллар йиғиб, ҳинд кино прокати тарихида энг кўп даромад келтирган фильмга айланди.
“Енгилмас жангчи РРР”, 2022 йил
Блокбастер воқеалари 1920 йилларда мустамлака бўлган Ҳиндистонда содир бўлади. Икки бош қаҳрамон Комарам Бҳим ва Рама Ражунинг мақсадлари турлича. Бҳим — оддий қишлоқи йигит бўлиб, у губернатор томонидан ўғирлаб кетилган қабиладош аёлни қидиришга бел боғлайди. Рама мустамлака ҳукумат хизматидаги зобит. У Бҳимни ушлаши керак. Қаҳрамонлар тасодифан фалокатга гувоҳ бўлгач, бир-бирларининг ниятларидан бехабар, яқин бўлиб қолади. Ва бу иттифоқ улар тасаввур ҳам қила олмайдиган ўзгаришларга олиб келади.
Тарихий жанговар фильм танқидчиларнинг кўплаб ижобий баҳоларини олган ҳолда 2022 йилнинг энг яхши фильмлари рўйхатига киритилди. Фильм премьера кунининг ўзидаёқ тахминан 31 миллион доллар йиғган ҳолда ҳинд фильмлари ичида энг юқори касса рекордини ўрнатди.
“Мен ўқитувчиман”, 2018 йил
Болалигидан ўқитувчи бўлишни орзу қилган Наина Матҳурни ҳеч бир мактаб директори ишга олмайди. Улар қизни рад этишади, чунки у Туретта синдромига чалинган. Наина таслим бўлмайди ва изланишда давом этади. Бир куни тақдир унга имконият беради — уни энг элита мактабларидан бирига дарс беришга таклиф қилишади. Наина хурсанд, аммо синовлар шу билан тугамайди. У кам таъминланган оилаларнинг болалари ўқийдиган синфни олади ва янги ўқитувчининг ноодатий нутқи уларнинг масхара объектига айланади. Аммо Наина умидсизликка тушмайди — ҳаётга муҳаббати ва самимий истаги туфайли ўқувчиларининг қалбини забт этади.
Комедия-драма Бред Коэннинг Лиза Уисоки билан ҳамкорликда ёзилган “Бутун синф олдида” автобиографиясига асосланган. Бред ҳам Туретта синдромидан азият чеккан. Мактабда болалар уни масхара қилишади, ўқитувчилар уни синфдан ҳайдаб юборишади. Натижада унинг ўзи зукка ва ўқувчиларни тушуна оладиган ўқитувчи бўлади.
“Pathan. Ўлим билан кураш”, 2023 йил
Pathan исмли тажрибали махсус агент Ҳиндистонда покистонлик генерал буйруғи билан тайёрланаётган кенг кўламли теракт ҳақида билиб қолади. Генерал ўз режасини амалга ошириш учун Ҳиндистон билан ҳисоб-китоб қилиш учун шафқатсиз Жимни ёллайди. Pathan машаққатли вазифа олдида турибди: бутун мамлакат келажаги хавф остида. Бош қаҳрамон фалокатнинг олдини олиш учун жосуслик ва жанговар маҳоратидан фойдаланади.
Фильм намойишининг биринчи кунида даромад бутун дунё бўйича тахминан 12,7 миллион долларни ташкил этган бўлса, прокатга чиққан икки ҳафта давомида бу сумма 10 баравар ошди. Россияда Pathan 30 йил ичида рус тилига дубляж қилинган биринчи ҳинд фильми бўлди.
“ПиКей”, 2014 йил
ПиКей — махсус топшириқ билан Ерга келган ўзга сайёралик. У инсон табиатини тушуниши ва маҳаллий ҳаёт қандай бўлишини ўрганиши керак. У дуч келадиган биринчи муаммо — унинг бошқарув панели ўғирланган, усиз уйига қайтолмайди. Энди у нафақат ўзига юкланган вазифани бажаришга, балки қурилмани топишга ҳам мажбур.
ПиКей ўзининг ғайритабиий хатти-ҳаракатлари билан бошқаларни ҳайратда қолдиради, ноқулай саволлари эса одамларни ҳаётларига ва улар яшаётган дунёга бошқача қарашга мажбур қилади. Фантастик комедия Ҳиндистондаги энг юқори даромад келтирган фильмлардан бирига айланди, дунё бўйлаб даромади 112 миллион доллардан ошади.
“Пушпа”, 2021 йил
Пушпа Раж — ноқонуний никоҳдан туғилган ўғил. У отасининг фамилиясига ҳақли эмас ва қуйи кастада яшашга маҳкум. Пушпа ҳаммол бўлиб ишлайди, лекин бир кун унинг ҳаёти кескин ўзгаради. У Ҳиндистоннинг тропик чакалакларида ўсадиган ноёб дарахт — қизил сандал дарахти контрабандасини бошлайди. Ёғоч нархи қимматбаҳо металлар билан таққосланади, уни қайта ишлаш ва етказиб бериш маҳаллий мафия томонидан назорат қилинади.
Пушпа яхши пул топишни бошлайди ва жиноятчиларнинг ҳурматини қозонади. Аммо унинг муваффақиятлари жиноятчилар билан ҳасад ва тўқнашувларга, шунингдек, қонун ва тартиб кучлари билан қарама-қаршиликка олиб келади. Фильм 2021 йилнинг энг кўп даромад келтирган ҳинд фильми бўлиб, 47 миллион доллар ишлаб топган.
“Колларнинг қуйма олтинлари”, 2018 ва 2022
1970 йилларда Ҳиндистоннинг олтин васвасаси ҳақидаги икки қисмли эпик достон. Камбағал ва собиқ қотил Рокки ҳокимиятни ушлаб турган, конларни назорат қилувчи кучли жиноий гуруҳнинг обрўсига путур етказиш учун Ҳиндистоннинг Карнатака штатидаги олтин конларига кириб боради. У кончи бўлиб ишлайди, ўзининг ақл-заковати ва топқирлиги туфайли исён кўтаради ва тўданинг бошида турган жиноятчини ағдаради. Рокки конларда тартиб ўрнатади, аммо жиноий тўдалар бундан норози бўлиб, ундан ўч олишга қарор қилишади. Энди бош қаҳрамон нафақат конларнинг янги эркинлиги, балки ўз ҳаёти учун ҳам қийин курашга дуч келмоқда.
Биринчи қисмнинг касса тушуми 42 миллион долларни ташкил этди. Фильмнинг иккинчи қисми жаҳон прокатида 190 миллион доллар йиғиб, дунёдаги энг даромадли ҳинд фильмлари рейтингида тўртинчи ўринни эгаллади.
