Valensiya shahrida Venesuelaning Karabobo shtatidan bo‘lgan bir guruh politsiyachilar ishtirokchilari mamlakat prezidenti Nikolas Maduro iste’fosini talab qilayotgan norozilik namoyishiga qo‘shildilar. Bu haqda TASSga asosan Kun.uz xabar bermoqda.
Ta’kidlanishicha, El Nacional gazetasi voqeaga guvohlardan biri tomonidan olingan videorolikni norozilik namoyishlarida politsiya ishtirok etayotgani to‘g‘risidagi xabarga qo‘shib qo‘ygan.
Avvalroq, Venesuela milliy gvardiyasi poytaxtdagi Chakao munitsipalitetiga zirhli texnikalarni kiritgani xabar berilgandi.
Shuningdek, Venesuela Mudofaa vazirligi rahbari Vladimir Padrino Lopesning ma’lum qilishicha, mamlakat armiyasi muxolifat yetakchisi Xuan Guaydoni qo‘llab-quvvatlamaydi.
Foto: Federico Parra/AFP/Getty Images. Xuan Guaydo
O‘z navbatida, Kuba tashqi ishlar vaziri Bruno Rodrigesning so‘zlariga ko‘ra, Kuba Venesuela prezidenti Nikolas Maduroni qo‘llab-quvvatlaydi va uni «qonuniy» yetakchi, deb biladi. Bu haqida u tvitterida yozgan.
Foto: Miraflores Palace/Handout via REUTERS. Nikolas Maduro
Mamlakatda sodir bo‘layotgan voqealarni Rodriges «davlat to‘ntarishi»ga urinish, deb atadi. Shuningdek, uning umid qilishicha, Venesuela aholisining «irodasi» «mustamlakachilik aralashuvi» ustidan «g‘alaba» qozonadi.
«Tarix fitna uyushtirganlarni qo‘llab-quvvatlovchi va tan oluvchilarni qoralaydi», - deya xulosa qildi Rodriges.
U «fitnachi» deb, katta ehtimol bilan, muxolifat yetakchisi Xuan Guaydoni nazarda tutgan.
Qo‘shma Shtatlar Venesuela prezidenti Nikolas Maduroga AQSh bilan diplomatik aloqalarni uzish huquqi bo‘yicha rad javobi berdi. Bu haqda AQSh davlat kotibi Mayk Pompeoning Davlat departamenti saytida joylashtirilgan bayonotida aytiladi.
Bayonotda ta’kidlanishicha, AQSh Venesueladagi muxolifat yetakchisi Xuan Guaydo orqali Venesuela bilan diplomatik aloqalarni davom ettiradi.
«AQSh Maduro rejimini Venesuela hukumati sifatida tan olmaydi», - deyiladi Pompeoning bayonotida.
Shuningdek, saytda qayd etilishicha, AQSh Venesueladagi diplomatik missiya va uning xodimlariga tahdid solganlarni «javobgarlikka tortishga» tayyor. “Zamin” yangiliklarini “Youtube”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Amerikalik olimlar barcha uchun birdek foydali jismoniy faollik turini aniqladi
AQSHning G‘azodagi siyosatidan norozi Davlat departamenti rasmiysi iste’foga chiqdi
Germaniyada maktab o‘quvchilari ommaviy ravishda islom dinini qabul qilmoqda
Mariya Zaxarova ukrainaliklarni Amerika hindulariga o‘xshatdi
Zoir Mirzayev “Telefonsiz maktab”ga 300 mln so‘m mukofot berdi
Piyoda yurish va bog‘dorchilik bilan shug‘ullanish depressiyaga chalinishni 23 foizga kamaytiradi
Rossiya dunyodagi birinchi vodorod yoqilg‘ili avtomobilni taqdim etdi
Qaysi kundalik odatlar immunitet pasayishiga olib kelishini bilasizmi?