Ethiopian Airlines aviakompaniyasining Efiopiyada 10 mart kuni halokatga uchragan Boeing 737 Max yo‘lovchi samolyoti uchuvchilari samolyot sho‘ng‘ishni boshlab, yerga urilishi oldidan uning tumshug‘ini to‘g‘rilashga harakat qilishgan. Bu haqda Daily Mail nashri xabar berdi.
Nashr ma’lumotlariga ko‘ra, efiopiyalik tergovchilar samolyot qanotidagi hujum burchagi datchigi qush yoki boshqa yot jism bilan to‘qnashuvdan so‘ng ishdan chiqqach uchuvchilar dastaki boshqaruvga o‘tishganini o‘rnatishgan.
Taxmin qilinishicha, uchuvchilar samolyotning holati haqidagi noto‘g‘ri ma’lumotlar sababli uning tumshug‘ini pastga tushira boshlagan manyovrlashni to‘g‘rilash tizimini (MCAS) o‘chirishgan.
“Ekspertiza ma’lumotlarining ko‘rsatishicha, hujum burchagining ikkita tashqi datchigi turli ko‘rsatmalar bergan: chapdagisi 74,5 darajani, o‘ngdagisi esa 15,3 darajani ko‘rsatgan”, deyilgan xabarda.
Bundan uchuvchilarning o‘zaro suhbatlari ham darak bermoqda. Ular o‘ng datchikdagi ko‘rsatmalar chapdagisidan farqlanayotganini ta’kidlab, “Chap alfa-flyuger!” deb hayqirishgan.
Efiopiya transport vaziri Dagmavit Mogesning aytishicha, ekipaj samolyot ustidan nazoratni tiklashga harakat qilgan, biroq samolyot tumshug‘i pastga qarab ketavergan.
Uchuvchilar suhbatlaridan samolyot yerga urilishidan oldin ekipaj sardori Yared Getachyu “Yuqoriga tort” deb baqirgani ma’lum bo‘lgan.
Samolyot havoga ko‘tarilgandan bir necha daqiqa keyin halokatga uchragan. Halokat oqibatida 157 kishi hayotdan ko‘z yumgan.
Manba: Kun.uz “Zamin” yangiliklarini “Telegram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Vladimir Putin «Krokus»da sodir etilgan terakt uchun o‘ch olishga chaqirdi
“Tolibon” Afg‘onistonning Xost viloyatida besh nafar fuqaroni qamchi bilan jazoladi
Mariya Zaxarova ukrainaliklarni Amerika hindulariga o‘xshatdi
Rossiya dunyodagi birinchi vodorod yoqilg‘ili avtomobilni taqdim etdi
Velosipedda sayr qilish uchun 3 sabab: yoshartiradi, ozdiradi va umrni uzaytiradi
Germaniyada maktab o‘quvchilari ommaviy ravishda islom dinini qabul qilmoqda
Zoir Mirzayev “Telefonsiz maktab”ga 300 mln so‘m mukofot berdi
Amerikalik olimlar barcha uchun birdek foydali jismoniy faollik turini aniqladi