2 527
Atambayevning o‘g‘li oilasiga tegishli xatlangan mol-mulklar ro‘yxatini yolg‘on deb atadi
Foto: Tengrinews
Qirg‘iziston sobiq prezidenti Almazbek Atambayevning o‘g‘li Qodir Atambayev oilasiga tegishli mol-mulkning xatlanishiga oid ro‘yxatga izoh berdi, deb xabar qiladi Daryo.
«Bosh prokuratura ataydan otam Almazbek Atambayev va qarindoshlarimizga tegishli mol-mulkning xatlash masalasi orqali jamoatchilikni manipulyatsiya qilmoqda. Almazbek Sharshenovich va oilamiz a’zolariga tegishli 120 ta mulk xususida bayonot bermoqchiman. Oilamizga tegishli deya keltirilgan narsalar aslida bizga tegishli emas, bu kabi yolg‘on xabarlarning media makonga tarqatilishi hukumat uchun qora piar bo‘lib xizmat qilmoqda», — deydi Qodir Atambayev.
Uning ta’kidlashicha, hukumat vakillari ta’kidlagan 120 ta mulkning 101 tasi Atambayevga ham, uning oilasiga ham tegishli emas. «Qirg‘izAvtomash» esa 2007 yildan buyon sobiq prezident oilasiniki emas. «Eng ahmoqonasi, Bosh prokuratura 1996 yilda zavod ishchilariga sotilgan kvartiralarni ham bizning hisobga yozib qo‘ygani», — deya norozi bo‘ladi Qodir Atambayev.
«Hatto Narimon Tyuleyev bankida ham pul mablag‘larimiz borligi ko‘rsatilgan bu yolg‘on ro‘yxatdan hayratga tushdim. ‘Qirg‘iziston’ tijoriy bankida 2002 yildan beri, bankka Sharip Sadibakasov egalik qilgan davrdan buyon hisobimiz bor. Bosh prokuratura barcha banklarni ro‘yxatga qo‘shib tashlagan, ular orasida hatto Pokiston Milliy bankining filiali ham bor. Bosh prokuratura sud qaroridan oldin tortib olingan mashinalar ro‘yxatini e’lon qilishdan ham uyalmay, ular 1990 yillar oxiri va 2000 yillar boshida ishlab chiqarilganini tan olishdan bosh tortdi», — deydi sobiq prezidentning o‘g‘li.
Qodir Atambayev «Aprel» telekanalining banklarda hisob-raqamlari va Jalolobodda mol-mulki yo‘qligini, shuningdek, kanalga tegishi radio va telemarkazlar mavjud emasligini ma’lum qildi.
Uning qo‘shimcha qilishicha, otasi mamlakat rivoji uchun shaxsiy mablag‘laridan juda ko‘p pul sarflagan. «Prezident fondidagi 50 million som byudjet mablag‘laridan tashqari, yana 1 milliard 200 million som jalb qilinib, bolalar maydonchalari qurilgan, maktablar uchun kompyuterlar olingan, kitoblar chop etilgan», — deydi Qodir Atambayev. “Zamin” yangiliklarini “Facebook”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Qaysi kundalik odatlar immunitet pasayishiga olib kelishini bilasizmi?
Sariqmi yoki yashil: qaysi turdagi banan foydaliroq?
Piyoda yurish va bog‘dorchilik bilan shug‘ullanish depressiyaga chalinishni 23 foizga kamaytiradi
AQSHning G‘azodagi siyosatidan norozi Davlat departamenti rasmiysi iste’foga chiqdi
Ortiqcha vaznli insonlar uchun sog‘lom ovqatlanishning beshta muhim qoidasi
Toshkentda 02 kodli avtoraqamlar taxminan qachon paydo bo‘lishi aytildi
Germaniyada maktab o‘quvchilari ommaviy ravishda islom dinini qabul qilmoqda
Lukashenko G‘arbga tahdid bilan chiqdi