Foto: The Royal Mint
Britaniya qirollik zarbxonasi mamlakat tarixidagi eng yirik kolleksion oltin tangani zarb etdi. Tanganing diametri 17,5 sm, og‘irligi 5 kilogramm va qiymati 5 ming funt sterlingni (6437 dollar) tashkil qiladi. Bu haqda Evening Standard nashri xabar berdi.
Tanga Buyuk o‘ymakorlar seriyasiga kirib, old tomonida yozuvchi Edmund Spenserning “Parilar qirolichasi” poemasining qahramoni Una va unga hamrohlik qiluvchi sher tasvirlangan. Una qirolicha Viktoriyani (1819-1901), sher esa Britaniya xalqini ifodalaydi. Tanganing orqa tomonida esa qirolicha Viktoriyaning yon tomondan ko‘rinishi tasvirlangan.
Zarbxona bosh o‘ymakori Gordon Sammersning aytishicha, gigant-tangani yaratishda o‘ymakorlikning an’anaviy usullari bilan birga zamonaviy texnologiyalar qo‘llangan. Tanga sotilgan, biroq u necha pulga ketgani ma’lum qilinmagan.
Ushbu seriyaga kamroq og‘irlikdagi – 2 kglik tangalar ham kirgan. Ma’lum qilinishicha, shunday tangadan 4 dona chiqarilmoqchi. Ularning har biri narxi 154,5 ming dollargacha yetadi. Kolleksiyaga, shuningdek, shunday dizayndagi kichik kumush tangalar ham kirgan. “Zamin” yangiliklarini “Twitter”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Qaysi kundalik odatlar immunitet pasayishiga olib kelishini bilasizmi?
Piyoda yurish va bog‘dorchilik bilan shug‘ullanish depressiyaga chalinishni 23 foizga kamaytiradi
AQSHning G‘azodagi siyosatidan norozi Davlat departamenti rasmiysi iste’foga chiqdi
Germaniyada maktab o‘quvchilari ommaviy ravishda islom dinini qabul qilmoqda
Ortiqcha vaznli insonlar uchun sog‘lom ovqatlanishning beshta muhim qoidasi
Sariqmi yoki yashil: qaysi turdagi banan foydaliroq?
Zoir Mirzayev “Telefonsiz maktab”ga 300 mln so‘m mukofot berdi
Rossiya dunyodagi birinchi vodorod yoqilg‘ili avtomobilni taqdim etdi