
Фото: The Royal Mint
Британия қироллик зарбхонаси мамлакат тарихидаги энг йирик коллекцион олтин тангани зарб этди. Танганинг диаметри 17,5 см, оғирлиги 5 килограмм ва қиймати 5 минг фунт стерлингни (6437 доллар) ташкил қилади. Бу ҳақда Evening Standard нашри хабар берди.
Танга Буюк ўймакорлар сериясига кириб, олд томонида ёзувчи Эдмунд Спенсернинг “Парилар қироличаси” поэмасининг қаҳрамони Уна ва унга ҳамроҳлик қилувчи шер тасвирланган. Уна қиролича Викторияни (1819-1901), шер эса Британия халқини ифодалайди. Танганинг орқа томонида эса қиролича Викториянинг ён томондан кўриниши тасвирланган.
Зарбхона бош ўймакори Гордон Саммерснинг айтишича, гигант-тангани яратишда ўймакорликнинг анъанавий усуллари билан бирга замонавий технологиялар қўлланган. Танга сотилган, бироқ у неча пулга кетгани маълум қилинмаган.
Ушбу серияга камроқ оғирликдаги – 2 кглик тангалар ҳам кирган. Маълум қилинишича, шундай тангадан 4 дона чиқарилмоқчи. Уларнинг ҳар бири нархи 154,5 минг долларгача етади. Коллекцияга, шунингдек, шундай дизайндаги кичик кумуш тангалар ҳам кирган.
Британия ТангаОлтин ТангаЭдмунд СпенсерҚиролича ВикторияКоллекцион ТангаЗамонавий Технологиялар Янгиликлар
«Замин»ни Telegram’да ўқинг! Ctrl
Enter
Хато топдИнгизми
Иборани ажратиб Ctrl+Enter тугмасини босинг