Ortiqcha vaznning qaytishiga nima sabab bo‘lishi mumkinligi aniqlandi

  • 26 noyabr 2016, 16:52
  • 10 345
  • Hayot tarzi
  • Ortiqcha vaznning qaytishiga nima sabab bo‘lishi mumkinligi aniqlandi

    Veysman institutining (Isroil) Eran Elinav boshchiligidagi olimlari ichakdagi bakteriyalar (mikrobiotlar) ozishdan keyin ortiqcha vaznning qaytishiga sabab bo‘lishi mumkin ekanligini aniqlashdi. Tadqiqotchilar o‘z xulosalarini Nature jurnalida chop etilgan maqolada bayon qilishdi.

    Mutaxassislar tajribada sichqonlardan foydalanishdi, ular sichqonlarni dastlab tarkibida yog‘ ko‘p bo‘lgan ozuqa bilan boqishdi, buning natijasida ularning vazni oshdi. Shundan so‘ng sichqonlarni vazn tashlashga yo‘naltirilgan oddiy parhezga o‘tkazishdi – sikl takrorlandi. Tadqiqot davomida olimlar mikrobiomadagi genomlar – kemiruvchilar ichaklaridagi mikroorganizmlar genomlarini kuzatishdi, deya xabar qildi Kun.uz.

    Ma’lum bo‘lishicha, yog‘ miqdori yuqori bo‘lgan parhez natijasida yig‘ilgan ortiqcha vazn tashlanganidan keyin sichqonlar tezkorlik bilan qayta vazn yig‘ishga moyil bo‘lishar ekan. Har bir sikl o‘tgan sayin semizlik darajasi murakkablashib borgan.

    Olimlar qayta vazn to‘plashning ichak mikrobiotasi bilan aloqasini aniqlashga muvaffaq bo‘lishdi. Vazn tashlagan kemiruvchilarning fekal massasini me’yoriy oziqlangan boshqa sichqonlar ichaklariga ko‘chirib o‘tkazilganda, ularda ham semizlikka moyillik paydo bo‘lgan.

    Olimlarning fikricha, tadqiqot natijalari odamlarning vaznni qayta tiklash mexanizmini aniqlashga yordam beradi. Biroq qaytalanuvchi semizlikni davolovchi samarali preparatlarni yaratish uchun tadqiqotlarni davom ettirish zarur.

    Facebook орқали авторизация
    Ma'lumot

    Посетители, находящиеся в группе Гости, не могут оставлять комментарии к данной публикации.
    » » Ortiqcha vaznning qaytishiga nima sabab bo‘lishi mumkinligi aniqlandi