Respublika bo‘yicha 2019 yilning yanvar-dekabr oylarida chakana savdo tovar aylanmasi 164,1 trln so‘mni tashkil etib, 2018 yilga nisbatan 7,9 foizga o‘sdi.
Davstatqo‘m xabariga ko‘ra, yirik korxonalarning tovar aylanmasi 25,8 trln so‘mni (o‘sish sur’ati 23,5 foiz), kichik biznes va xususiy tadbirkorlik sub’ektlarining tovar aylanmasi 138,3 trln so‘mni (o‘sish sur’ati 5,4 foiz), shundan uyushmagan savdo tovar aylanmasi 159, trln so‘mni (2018 yilga nisbatan 9,7 foizga kamaygan) tashkil etdi.
2018 yilning shu davriga nisbatan respublikaning barcha hududlarida chakana savdo tovar aylanmasining o‘sish sur’atlari kuzatilib, nisbatan yuqori o‘sish sur’atlari Xorazm, Jizzax, Surxondaryo, Namangan, Buxoro viloyatlari va Qoraqalpog‘iston Respublikasida qayd etildi.
Chakana savdo tovar aylanmasi tarkibida yirik korxonalarning tovar aylanmasi hajmi 2018 yilning mos davriga nisbatan 23,5 foizga o‘sdi va 25,8 trln so‘mni tashkil qildi. Bu esa umumiy savdo hajmining 15,7 foiz ulushiga to‘g‘ri keladi.
Ulgurji savdo tovar aylanmasida eng yuqori hajm kichik biznes va xususiy tadbirkorlik sub’ektlariga to‘g‘ri kelib, mazkur hajm 2019 yil yanvar-dekabr oyi yakunlariga ko‘ra, 53,8 trln so‘mni tashkil etib, 2018 yilga nisbatan 5,3 foizga o‘sgan.
Yil boshidan respublika bo‘yicha ulgurji savdo tovar aylanmasi hajmi 76,7 trln. so‘mni tashkil qildi va 2018 yilga nisbatan 5,7 foizga o‘sdi.
Ushbu sektorning umumiy ulgurji savdo aylanmasidagi ulushi esa 70,2 foizni tashkil qilmoqda. Bu ko‘rsatkich boshqa viloyatlar bilan taqqoslanganda, Toshkent shahrida (78,1 foiz), Farg‘ona (80,9 foiz), Samarqand (71,9 foiz), Buxoro (71,1 foiz) va Andijon (69,4 foiz) viloyatlarida yuqori bo‘lgan. “Zamin” yangiliklarini “Twitter”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Lukashenko G‘arbga tahdid bilan chiqdi
Germaniyada maktab o‘quvchilari ommaviy ravishda islom dinini qabul qilmoqda
Piyoda yurish va bog‘dorchilik bilan shug‘ullanish depressiyaga chalinishni 23 foizga kamaytiradi
Ruslar Abrams tanklarining zaif tomonini topishdi
AQSHning G‘azodagi siyosatidan norozi Davlat departamenti rasmiysi iste’foga chiqdi
Ortiqcha vaznli insonlar uchun sog‘lom ovqatlanishning beshta muhim qoidasi
Sariqmi yoki yashil: qaysi turdagi banan foydaliroq?
Zoir Mirzayev “Telefonsiz maktab”ga 300 mln so‘m mukofot berdi