«Samarqand – Qarshi» yo‘lining Nurobod tumani hududidan o‘tuvchi qismida o‘nlab avtomobillarning to‘qnashuvi sodir bo‘lgani haqida xabar berilgan edi.
Samarqand viloyat IIB yo‘l harakat xavfsizligi boshqarmasi axborot xizmatining ma’lum qilishicha, voqea 13 yanvar, dushanba kuni soat 13:20 atrofida Nurobod tumani hududidan o‘tuvchi A-378 avtomobil yo‘lining 19-kilometrida sodir bo‘lgan.
Voqea joyiga YPX inspektorlari yetib borganda YTHga uchragan faqat ikki mashina qolganligi aniqlangan.
Ma’lum bo‘lishicha, «Qarshi—Samarqand» yo‘nalishida harakatlanib kelayotgan Qozog‘istonning Olmaota viloyatida yashovchi 29 yoshli haydovchi S.P. boshqaruvidagi Mercedes-Benz yuk mashinasining yarim tirkamasini orqa qismiga Qashqadaryo viloyati Qamashi tumanida yashovchi, 29 yoshli haydovchi B.E. boshqaruvidagi Nexia-2 avtomashinasi old qismiga urilgan.
Oqibatda Nexia-2 haydovchisi va uning yo‘lovchilari — 63 yoshli ayol N.H., 37 yoshli erkak Q.B. va 15 yoshli qiz R.Ch. tan jarohatlari olib, Respublika shoshilinch tez tibbiy yordam ilmiy markazi Samarqand filialiga murojaat qilgan.
Haydovchi «o‘ng bilak sohasining sinishi» tashxisi bilan shifoxonaga yotqizilgan. Yo‘lovchi N.H. «ko‘krak qafasi yopiq shikastlanishi, ko‘plab qovurg‘a suyaklarining sinishi» tashxisi bilan shifoxonaga yotqizilgan. Qolgan yo‘lovchilar — Q.B. va R.Ch.ga «badanining turli sohalari yumshoq to‘qimalari lat yeyishi va shilinmalar» tashxisi qo‘yilib, uyiga javob berilgan.
Hodisa oqibatida tan jarohati olib vafot etgan shaxslar aniqlanmagan.
Hozirda mazkur yo‘l-transport hodisasi yuzasidan Nurobod tumani IIB huzuridagi Tergov bo‘limi tomonidan tergovga qadar tekshiruv harakatlari olib borilmoqda.
Viloyat IIB YHXB axborot xizmatining ma’lum qilishicha, 12 yanvardan 13 yanvarga o‘tar kechasi qor yog‘ib, havo haroratining pastligi natijasida yo‘lning qatnov qismida muzlama hosil bo‘lganligi sababli yuqoridagi korxona tomonidan yo‘lning qatnov qismiga muzlamaga qarshi inert materiallar (qum-tuz aralashmasi, mayda chaqilgan tosh) sepish uchun 4 ta MAN, 1 ta «Zil» rusumli yuk avtomobillari, 2 ta qum sepadigan va qor kuraydigan maxsus texnika hamda 303-sonli yo‘l bo‘limi boshlig‘i F.Hakimov rahbarligida 18 nafar yo‘l ishchisi, shuningdek, ushbu yo‘lda harakat xavfsizligini ta’minlashga 8 ta YPX patrul avtomashinasi va 15 nafar YPX inspektori jalb qilingan. “Zamin” yangiliklarini “Telegram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Rossiya dunyodagi birinchi vodorod yoqilg‘ili avtomobilni taqdim etdi
Qaysi kundalik odatlar immunitet pasayishiga olib kelishini bilasizmi?
Amerikalik olimlar barcha uchun birdek foydali jismoniy faollik turini aniqladi
Zoir Mirzayev “Telefonsiz maktab”ga 300 mln so‘m mukofot berdi
AQSHning G‘azodagi siyosatidan norozi Davlat departamenti rasmiysi iste’foga chiqdi
Mariya Zaxarova ukrainaliklarni Amerika hindulariga o‘xshatdi
Germaniyada maktab o‘quvchilari ommaviy ravishda islom dinini qabul qilmoqda
Piyoda yurish va bog‘dorchilik bilan shug‘ullanish depressiyaga chalinishni 23 foizga kamaytiradi