Yakshanba kuni bir qancha muassasalar xodimlari ishga chiqishi ma’lum bo‘ldi

  • 17 mart 2017, 22:11
  • 5 521
  • O‘zbekiston
  • Yakshanba kuni bir qancha muassasalar xodimlari ishga chiqishi ma’lum bo‘ldi

    2017 yil 16 mart kuni O‘zbekiston Respublikasi Prezidenti Shavkat Mirziyoyev «2017 yil 18 mart shanba dam olish kunini 2017 yil 20 mart dushanba kuniga ko‘chirish to‘g‘risida»gi qarorga imzo chekdi.

    Unga ko‘ra, aholiga ketma-ket 3 kun davomida dam olish uchun sharoit yaratib berilgan.

    Ammo 6 kunlik ish haftasida ishlaydigan muassasalar xodimlari yakshanba kuni ishga chiqadi. Bu haqda manbalarga asoslanib «Kun.uz» ma’lum qildi.

    O‘zbekiston bosh vazirining tegishli farmoyishiga ko‘ra, Moliya vazirligi sohasidagi tashkilotlar, banklar, jumladan Markaziy bank va barcha tijorat banklari xodimlari, shuningdek, soliq idoralari xodimlari uchun 19, 20 va 26 mart kunlari ish kuni deb e’lon qilingan.

    «2017 yil mart oyi ko‘rsatkichlari bajarilishini ta’minlash, O‘zbekiston Respublikasi Davlat byudjeti va davlat maqsadli jamg‘armalariga to‘lovlar bo‘yicha hisob-kitoblarni muvaffaqiyatli amalga oshirish maqsadida bank tizimi, moliya hamda soliq idoralarining ayrim xodimlarini 2017 yil 18, 25 mart shanba hamda 19, 26 mart yakshanba kunlari qonunchilikda belgilangan tartibda ishga jalb qilishga ruxsat etilsin», deyilgan O‘zbekiston Respublikasi bosh vaziri Abdulla Aripov farmoyishida.

    Ma’lumot uchun, Mehnat kodeksining 157-moddasida ish vaqtidan tashqari ishlar, dam olish kunlari va bayram kunlaridagi ishlar uchun kamida ikki hissa miqdorida haq to‘lanishi belgilangan.

    Facebook орқали авторизация
    Ma'lumot

    Посетители, находящиеся в группе Гости, не могут оставлять комментарии к данной публикации.
    » » Yakshanba kuni bir qancha muassasalar xodimlari ishga chiqishi ma’lum bo‘ldi