O‘zbekistonda Iyd al-Fitr — Ramazon hayiti bayrami 15 iyun, juma kuni nishonlanadi. Bugun, 11 iyun kuni prezident Shavkat Mirziyoyev «Ramazon hayitini nishonlash to‘g‘risida»gi qarorini imzolagan.
O‘zbekiston musulmonlari idorasi «Kun.uz»ga ma’lumot berishicha, 10 iyun kuni Ramazon hayiti kunini belgilash uchun Markaziy Osiyo mamlakatlari diniy idoralari fatvo bo‘limi rahbarlari (O‘zbekiston, Qozog‘iston, Qirg‘iziston), O‘zbekiston Respublikasi Vazirlar Mahkamasi huzuridagi Din ishlari bo‘yicha qo‘mitasi, O‘zbekiston Musulmonlari idorasi rasmiylari, islomshunos va dinshunos olimlar, O‘zbekiston Respublikasi Fanlar akademiyasi Astronomiya instituti olimlari ishtirokida uchrashuv bo‘lib o‘tgan va yakunda astronom olimlarning oy to‘lishi bilan bog‘liq xulosalari o‘rganib chiqilib, bu muddat 29 kunni tashkil etayotgani tasdiqlangan va O‘zbekiston Respublikasi Prezidentiga tavsiya taqdim etilgan.
«Xalqimiz ma’naviy hayoti, milliy qadriyat va an’analarimizning ajralmas bir qismi bo‘lgan, muqaddas islom dinining insonparvarlik mohiyatini yaqqol ifoda etadigan Ramazon hayitini munosib nishonlash, jamiyatimizda o‘zaro hurmat, mehr-oqibat, ezgulik, xayr-saxovat va shukronalik tuyg‘ularini kuchaytirish, yoshlarimizda yuksak insoniy fazilatlarni kamol toptirish maqsadida:
1. O‘zbekiston musulmonlari idorasining 2018 yilda Ramazon hayitining birinchi kuni 15 iyun juma kuniga to‘g‘ri kelishi haqidagi qabul qilgan qarorini inobatga olib, hamda O‘zbekiston Respublikasi prezidentining 2017 yil 28 dekabrdagi «2018 yilda rasmiy sanalarni nishonlash davrida qo‘shimcha ishlanmaydigan kunlarni belgilash va dam olish kunlarini ko‘chirish to‘g‘risida»gi PF–5290-sonli farmoniga muvofiq 2018 yil 15-17 iyun kunlari - Ramazon hayitining birinchi uch kuni bayram sifatida keng nishonlansin», deyilgan hujjat matnida.
“Zamin” yangiliklarini “Telegram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Rossiya dunyodagi birinchi vodorod yoqilg‘ili avtomobilni taqdim etdi
Qaysi kundalik odatlar immunitet pasayishiga olib kelishini bilasizmi?
Amerikalik olimlar barcha uchun birdek foydali jismoniy faollik turini aniqladi
Zoir Mirzayev “Telefonsiz maktab”ga 300 mln so‘m mukofot berdi
AQSHning G‘azodagi siyosatidan norozi Davlat departamenti rasmiysi iste’foga chiqdi
Sariqmi yoki yashil: qaysi turdagi banan foydaliroq?
Germaniyada maktab o‘quvchilari ommaviy ravishda islom dinini qabul qilmoqda
Piyoda yurish va bog‘dorchilik bilan shug‘ullanish depressiyaga chalinishni 23 foizga kamaytiradi