Oʻzbekiston prezidenti Yevropaga oʻzining birinchi tashrifini amalga oshirdi. Buning uchun Fransiya davlati tanlandi.
Sputnik nashri Shavkat Mirziyoyevning Parijga amalga oshirilgan tashrif natijalarini oʻrganib chiqdi.
Shavkat Mirziyoyevning xorijiy mamlakatlarga tashrif dasturi bir xil ssenariy boʻyicha ketmoqda: Oʻzbekiston rahbari barcha muhim siyosiy amaldorlari va xalqaro tashkilot rahbarlari bilan uchrashishga harakat qilmoqda.
Fransiya tashrifi ham istisno boʻlmadi – Fransiya prezidenti Emmanuel Makron bilan tor va keng doiradagi muzokaralardan tashqari, Mirziyoyev Fransiya Senati raisi Jerar Larshe bilan hamkorlik masalalarini muhokama qildi.
Emmanuel Makronning Oʻzbekiston yetakchisi bilan boʻlgan muzokaralari chogʻida siyosiy masalalar ham koʻrildi – davlatlar oʻrtasida hamkorlik, Afgʻoniston muammosi, parlamentlararo aloqalarni rivojlantirish, shuningdek, savdo-iqtisodiy, investitsiya, energetika va texnologik hamkorlikni kengaytirish masalalari muhokama qilindi.
Oʻzbekiston va Fransiya oʻrtasida jami 10 ta hujjat imzolandi – asosan bular harbiy-texnikaviy hamkorlik, turizm, moliyaviy investitsion loyihalar boʻyicha hukumatlararo va idoralararo hujjatlar, madaniyat va avtomobil tashuvlari sohasida bitimlar.
Qizgʻin muzokaralar kun tartibi va ayrim sanoat tarmoqlari uchun aniq raqarlarning yetishmasligini ikkita sabab bilan tushuntirish mumkin: birinchidan, bu Mirziyoyevning Fransiyaga (Yevropaga) birinchi tashrifi, ikkinchi tomondan esa, aniq loyihalar boshqa uchrashuvda muhokama qilindi – ular biroz oldin boʻldi.
Prezidentlar oʻrtasidagi muzokaralardan oldin ham anʼnaviy biznes forum oʻtkazildi, unda 5 milliard yevroga teng bitimlar imzolandi.
Shavkat Mirziyoyev Fransiya biznes vakillari bilan ham uchrashdi. Total, GDF Suez, Vinci, Thales, Fives, Yevropa taraqqiyot va rivojlanish banki va Fransiya rivojlanish agentligi vakillari Oʻzbekiston bilan loyihalarni muhokama qilishdi. Ular oʻtgan yilda turli loyihalar uchun Oʻzbekistonga 400 million yevro ajratgandi.
Shavkat Mirziyoyev madaniyat masalarga ham alohida eʼtibor qaratdi. Bu mavzu va tarixiy merosni asrash boʻyicha yangi loyihalarni Emmanuel Makron bilan va YUNЕSKO bosh direktori Odri Azule bilan ham muhokama etildi. Xususan, Oʻzbekistonda ikkita – Markaziy Osiyo yosh olimlari va “Madaniy merosni asrash sohasida axborot texnologiyalari oʻrni” forumi oʻtkaziladi. Bundan tashqari, YUNЕSKO rahbari bilan 2021 yilgacha hamkorlik dasturi imzolandi.
Oʻzbekiston prezidentining Fransiyaga 22 yil ichida birinchi tashrif strategik va amaliy jihatdan juda samarali boʻldi. Yangi prezidentning Yevropaga birinchi qadami qoʻyildi va u juda ishonchli boʻldi. “Zamin” yangiliklarini “Vkontakti”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Rossiya dunyodagi birinchi vodorod yoqilg‘ili avtomobilni taqdim etdi
Qaysi kundalik odatlar immunitet pasayishiga olib kelishini bilasizmi?
Amerikalik olimlar barcha uchun birdek foydali jismoniy faollik turini aniqladi
Zoir Mirzayev “Telefonsiz maktab”ga 300 mln so‘m mukofot berdi
AQSHning G‘azodagi siyosatidan norozi Davlat departamenti rasmiysi iste’foga chiqdi
Sariqmi yoki yashil: qaysi turdagi banan foydaliroq?
Germaniyada maktab o‘quvchilari ommaviy ravishda islom dinini qabul qilmoqda
Piyoda yurish va bog‘dorchilik bilan shug‘ullanish depressiyaga chalinishni 23 foizga kamaytiradi
