Oʻzbekiston prezidenti Shavkat Mirziyoyev tashabbusi bilan yoʻlga qoʻyilgan prezident xalq qabulxonalari faoliyati rossiyalik huquq himoyachisi, Rossiya prezidenti maslahatchisi Mixail Fedotovda juda katta taassurot qoldirdi.
Toshkentda oʻtkazilgan Oʻzbekiston-Rossiya yuridik forumi doirasida Sputnik Oʻzbekiston muxbiriga bergan intervyusi davomida Fedotov bu borada oʻz fikr-mulohazalari bilan oʻrtoqlashdi.
“Men Samarqandda Prezident xalq qabulxonasi faoliyati bilan yaqindan tanishdim. Haqiqiy taʼsirli manzara! Fuqaro kelib, bir vaqtning oʻzida u yerda istalgan davlat organi: xoh u militsiya boʻlsin, yoki prokuratura, yoki soliq xizmati va boshqa idoralar mutaxassislaridan maslahat olishi mumkin. Yoʻlga qoʻyilgan ushbu mexanizm juda muhim. Oʻylaymanki, biz bu tajribani oʻrganamiz”, - dedi Fedotov.
Rossiya prezidenti maslahatchsi, shuningdek, Oʻzbekiston tomonidan Markaziy Osiyo maydonida huquqni muhofaza qilish sohasini rivojlantirish mavzusida ilgari surilgan tashabbuslarga ham “oʻta muhim”, deya baho berdi hamda Samarqandda kelajakda muntazam oʻtkazilishi rejalashtirilayotgan yuridik forumda Rossiya prezidenti huzuridagi fuqarolik jamiyatini rivojlantirish va inson huquqlari boʻyicha kengashim ham ishtirok etishga tayyorligini bildirdi.
“Oʻzbekiston birinchi qadamni qoʻydi, biz ikkinchisini tashlashga tayyormiz. Birgalikda qadam tashlaymiz!”, - dedi Fedotov. “Zamin” yangiliklarini “Youtube”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Qaysi kundalik odatlar immunitet pasayishiga olib kelishini bilasizmi?
Zoir Mirzayev “Telefonsiz maktab”ga 300 mln so‘m mukofot berdi
Sariqmi yoki yashil: qaysi turdagi banan foydaliroq?
Amerikalik olimlar barcha uchun birdek foydali jismoniy faollik turini aniqladi
Germaniyada maktab o‘quvchilari ommaviy ravishda islom dinini qabul qilmoqda
AQSHning G‘azodagi siyosatidan norozi Davlat departamenti rasmiysi iste’foga chiqdi
Rossiya dunyodagi birinchi vodorod yoqilg‘ili avtomobilni taqdim etdi
Piyoda yurish va bog‘dorchilik bilan shug‘ullanish depressiyaga chalinishni 23 foizga kamaytiradi
